Laixan euskara elkartea 1990. urtean sortu zen Oñatiko euskararen erabilera sustatzeko asmoz. Euskararen egoeraz kezkaturik zegoen lagun talde bat elkartu eta gaur egun herriko elkarte garrantzitsuenetariko bat da 475 bazkidez osatuta baitago. Elkartearen antolakuntza honakoa da: borondatezko Zuzendaritza Batzorde bat eta koordinatzaile-dinamizatzaile bat.

  Bide batez aipatu, urte guzti hauetan, bazkide ugari pasa dela zuzendaritza batzordetik. Urtero 4 edo 5 kide aldatu ohi ditugunez, esan dezakegu bazkideen %10a zuzendaritzatik pasa dela. Gainera, zuzendaritzaz aparte sortzen diren lan talde ezberdinetan ere hainbat bazkidek hartzen dute parte. Ondorioz, oso positiboa jotzen dugu bazkideen partaidetza elkarteak aurrera egin dezan eta geure helburua den euskararen normalizazioa lor dezagun.

  Oñatiko herria izan arren jardunerako gure esparru nagusia, jardun berean dabiltzan bailarako beste elkarteekin elkarlanean, lan esparrua Deba Goiena osoara zabaltzen da. Gure indarrak uztartuz eta egitasmoak bateratuz, esparru zabalago batean eragiteko bidea sortzen dugu.

  Zuzendaritza bederatzi kidek osatzen dute normalean; hauen artean, karguak, lehendakaria, lehendakari ordea, idazkaria eta diruzaina ditugu. 2004tik hona hauek dira:
 Lehendakaria: Iñaki Olalde
 Lehendakari ordea: Maider Sansinenea
 Idazkaria: Ainhoa Baños
 Diruzaina: Amaia Bikuña
 Batzordekideak: Iñaki Agirrebengoa eta Alazne Intza

  Bidebarrieta 18, behea · 20560 OÑATI (Gipuzkoa) · Telefonoa: 943 71 63 11